سياسة الاسترجاع لتسوق مكملات غذائية بثقة واسترجع بسهولة - متجر مكملات غذائية في السعودية

سياسة الاسترجاع والاستبدال

نبغاك تكون راضي عن طلبك. هذي السياسة توضح متى تقدر تسترجع أو تستبدل، ومين يتحمل التكاليف، ومتى يرجع لك المبلغ.

أولًا: إذا وصلك منتج تالف أو معيب أو غير اللي طلبته

إذا وصلك المنتج مكسور أو ختمه مفتوح، أو منتهي، أو غير اللي طلبته: نستبدله أو نرجّع مبلغه، ونتحمل الشحن.
لازم تبلغنا خلال 48 ساعة من الاستلام، مع صور واضحة للمنتج والغلاف وبوليصة الشحن.

ثانيًا: إذا غيّرت رأيك

خلال 7 أيام من استلام الطلب، وبعد ما تتواصل معنا وتاخذ موافقة على الإرجاع. ما نستقبل شحنات مرتجعة بدون طلب مسبق.
المنتج غير مستخدم، وختمه الأصلي سليم، وفي غلافه الأصلي بدون كتابة أو ملصقات، ومعه أي هدية وصلت معه.
تتحمل أنت الشحن رايح وراجع: رسوم شحن الطلب ما تنرد، ونخصم من المبلغ شحن الإرجاع. وإذا وصلك الطلب بشحن مجاني، نخصم الاتجاهين.
رسوم الشحن لكل اتجاه: 9 ريال داخل جدة، و23 ريال لباقي المدن.
إذا الإرجاع خلّى قيمة الطلب أقل من 219 ريال، نخصم رسوم شحن الطلب الأصلي كمان.
نفحص المنتج أول ما يوصل. إذا ما طابق الشروط نرجّعه لك وتتحمل شحنه، وما ينرد مبلغه.
في الاستبدال تتحمل شحن الإرجاع وشحن المنتج الجديد، وإذا كان سعره أعلى تدفع الفرق.

ثالثًا: منتجات ما تقبل الاسترجاع بسبب تغيير الرأي

حسب اللائحة التنفيذية لنظام التجارة الإلكترونية، ما نقبل استرجاع هذي المنتجات إلا إذا كان فيها عيب أو خطأ منا:

المكملات والأغذية والمشروبات المفتوحة أو اللي ختمها مكسور، لأنها ما تنباع مرة ثانية لأسباب صحية.

رابعًا: عروض التصريف والأوت لت

منتجات التصريف تباع بسعر مخفض لأن تاريخ صلاحيتها قريب. نكتب تاريخ الصلاحية في اسم النكهة وفي وصف المنتج قبل الشراء.
بما إن التاريخ معلن قبل الشراء، قرب التاريخ ما يعتبر عيبًا. إذا حبيت تسترجع المنتج لهالسبب ينطبق عليه البند ثانيًا: خلال 7 أيام، غير مفتوح، والشحن رايح وراجع عليك.

خامسًا: كيف تطلب الاسترجاع

تواصل معنا خلال 7 أيام من الاستلام واتساب على 0565306462 أو بالبريد [email protected]، واذكر رقم الطلب والمنتج وسبب الإرجاع.
نرسل لك الموافقة وطريقة الإرجاع.
بعد ما يوصلنا المنتج ونفحصه، نرجّع المبلغ خلال 14 يوم أو نرسل البديل.

سادسًا: طريقة رد المبلغ

نرجّع المبلغ بنفس طريقة الدفع. في تابي وتمارا ينلغى القسط أو ينقص حسب نظام الشركة.
في تغيير الرأي نخصم رسوم الشحن رايح وراجع كما في البند ثانيًا.

إلغاء الطلب

تقدر تلغي طلبك مجانًا وتسترد المبلغ كامل قبل ما ينشحن. بعد الشحن يعامل كاسترجاع.